ECHEVARRIATIK ETXEBERRIARA
Duela zortzi urte Oiartzundik Bartzelonara bizitzera joan zen Ander Iriarte. Denbora tarte horretan asko aldatu da Euskal Herriko egoera politikoa, ETAren borroka armatuaren amaiera kasu. Abagune berri hau probestu du "Echeverriatik Etxeberriara. Oiartzun: indarkeriarekin bizi izan den herri baten kronikak" dokumentala egiteko. Galdera bati erantzuna ematen saiatu da: "Nolatan biziraun du ETAk gurea bezalako ongizate gizarte batean?". Edo beste hitz batzuekin esanda, zergatik dira horrenbeste dena utzi duten gazteak borroka armatura lotzeko, bizi kalitate handia ei duen herri batean?
Oharra: bideoa jaitsi nahi baduzu, goiko ezker aldean dagoen gezi txikian klikatu behar duzu, edo JDownloader programa erabili. Zuzenean ikusi nahi izanez gero, berriz, irudiko gezian klikatu.